स्वस्तिक लघुवित्तको आईपीओ वैदेशिक रोजगारीमा रहेका नेपालीका लागि खुला

काठमाडौं । स्वस्तिक लघुवित्त वित्तीय संस्था लिमिटेडले वैदेशिक रोजगारीमा रहेका नेपाली नागरिकहरूका लागि प्राथमिक शेयर (आईपीओ) निष्कासन गरेको छ। कम्पनीले शुक्रबारदेखि उक्त समूहलाई लक्षित गरी आईपीओ आवेदन खुला गरेको हो।

कम्पनीले प्रतिकित्ता १ सय रुपैयाँको दरले कुल ५ करोड ७७ लाख ५० हजार रुपैयाँ बराबरको ४० प्रतिशत शेयर अर्थात् २ लाख ३१ हजार कित्ता सार्वजनिक निष्कासन गर्दैछ। सोमध्ये वैदेशिक रोजगारीमा रहेका नेपालीका लागि कुल १० प्रतिशत अर्थात् २३ हजार १ सय कित्ता छुट्याइएको छ।

इच्छुक वैदेशिक रोजगारिअनुभवी नेपालीले न्यूनतम १० कित्तादेखि अधिकतम ५ हजार कित्तासम्म आवेदन दिन सक्नेछन्। यो आईपीओ असार २७ गते शुक्रबारदेखि साउन ९ गतेसम्म खुला रहनेछ।

आईपीओ निष्कासनको व्यवस्थापन सिटिजन्स क्यापिटल लिमिटेडले गर्नेछ। आवेदनकर्ताले आफ्नो वैदेशिक रोजगारी प्रमाण (यथा भिसा, म्यानपावर सम्झौता आदि) सहित सम्बन्धित बैंक तथा वित्तीय संस्थाको सी–आस्बा सेवा प्रयोग गरी आवेदन दिन सक्नेछन्।