पूर्व अर्थमन्त्री खतिवडा प्रधानमन्त्रीका विशेष आर्थिक सल्लाहकारमा नियुक्त

काठमाडौं । सरकारले निवर्तमान अर्थमन्त्री डा. युवराज खतिवडालाई प्रधानमन्त्रीको विशेष आर्थिक सल्लाहकार नियुक्त गरेको छ।

सोमबार बसेको मन्त्रिपरिषद् बैंठकले उनलाई मन्त्री सरहकै सेवा सुविधा सहित प्रधानमन्त्री केपी शर्मा ओलीको विशेष आर्थिक सल्लाहकारमा नियुक्त गरेसँगै उनको भुमिका अझै बढी हुने भएको हो ।

यस अघि अर्थमन्त्रीको भुमिकामा सिमित रहँदै आएका खतिवडालाई प्रधानमन्त्रीको आर्थिक विशेष सल्लाहकारमा नियुक्त गर्ने निर्णय गरिएको परराष्ट्र मन्त्री एवं सरकारका प्रवक्ता प्रदीप ज्ञवालीले जानकारी दिए ।

अबका दिनमा निवर्तमान अर्थमन्त्री खतिवडाले प्रधानमन्त्रीसँग रहेर विशेष आर्थिक सल्लाहकारको भुमिका निर्वाह गर्नेछन् ।