काठमाडौँ जिल्ला अदालतमा टोकन प्रणाली सुरु,सेवाग्राहीलाई सहज

काठमाडौं । काठमाडौँ जिल्ला अदालतले सेवाग्राहीलाई टोकन प्रणाली सुरु गरेको छ।

सोमवारबाट जिल्ला अदालत काठमाडौं अदालतलाई व्यवस्थित र सेवाग्राहीलाई सहज सेवाका लागि टोकन प्रणालीको सुरुवात गरेको जनाएको हो ।

काठमाडौं जिल्ला अदालतलाई व्यवस्थित र सहजीकरण होस् भनेर, सेवा लिने दिने क्रममा भीड नहोस् भनेर काठमाडौँ जिल्ला अदालतमा टोकन प्रणाली सुरु गरेको काठमाडौं जिल्ला अदालत बार एसोसिएसनका अध्यक्ष अधिवक्ता रामचन्द्र पौडेलले बताए । उनले काठमाडौं जिल्ला अदालतलाई प्रविधिमैत्री अदालत बनाउने योजनाअनुसार आफूहरू अघि बढेको बताए ।

उनले प्रविधिमैत्री अदालत नबनेसम्म नागरिक र सेवाग्राहीले न्याय नपाउने बताए । उनले अबबाट उभिए सेवा लिनुपर्ने असहजता नहुने बताए ।