थप ११ हजार ३५२ जनामा कोरोना पुष्टी, ४ जना संक्रमितको निधन

काठमाडौं । नेपालमा कोरोना संक्रमितकोदर दिन प्रतिदिन बढिरहेको छ । पछिल्लो २४ घण्टामा देशभर ११ हजार ३५२ जनामा कोरोना भाइरस संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार १८ हजार ७८ जनाको पीसीआर परीक्षण गर्दा ९५०२ जना र ५३३१ जनाको एन्टिजेन परीक्षण गर्दा १८५० गरी ११ हजार ३५२ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख ७९ हजार ५७६ जना पुगेको छ ।

पछिल्लो २४ घण्टामा ६१३ जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख १८ हजार १६० पुगेको छ । संक्रिय संक्रमितको संख्या ४९७८३ हजार ४४ रहेको छ ।

पछिल्लो २४ घण्टामा मृत्यु हुनेको संख्या ४ रहेको छ । नेपालमा कोरोना मृत्यु हुनेको संख्या ११ हजार ६२८ पुगेको छ ।