कांग्रेस महामन्त्री शर्माको सपरिवारलाई कोरोना संक्रमण

काठमाडौं । नेपाली कांग्रेसका महामन्त्री विश्वप्रकाश शर्मा कोरोना संक्रमित भएका छन् ।

महामन्त्री शर्माले बुधबार समाजिक सञ्जाल ट्वीटरमार्फत आफू पुन: कोरोना संक्रमित भएको जानकारी गराएका हुन् । 

उनले सपरिवार नै कोरोना संक्रमित भएको जनाए । सार्वजनिक कार्यक्रममा सर्तकता नअपनाएका कारण आफू र  परिवार संक्रमित भएको उनकाे भनाइ छ ।

शर्माले लेख्छन्,‘सार्वजनिक कार्यक्रममा सतर्कता नराख्नुको परिणाममा संक्रमण, आत्मालोचित छु ।’

संक्रमणले ग्रस्तभएपछि ललिपुरस्थित मेडीसीटी अस्पतालमा पीसीआर परीक्षण गर्दा सबैको रिपोर्ट पोजेटिभ आएको उनले जनाएका छन् ।

८ महिनाअघि पनि उनी संक्रमित भएका थिए । 

८ महिनापछि फेरि सपरिवार संक्रमित !

सार्वजनिक कार्यक्रममा सतर्कता नराख्नुको परिणाममा संक्रमण,आत्मालोचित छु l लक्षणले ग्रस्तपछि मेडिसिटि अस्पतालमा PCR,आज सबैको रिपोर्ट-Positive lचिकित्सक परामर्शमा तागतको औषधि र आइसोलेसन lएकसातामा फर्किन्छु काममाl

सम्पर्क असुविधामा क्षमा चाहन्छु !

— Bishwa Prakash शर्मा (@bishwaprakash77) January 19, 2022