बाढी, पहिरो र चट्याङबाट वैशाख यता २३१ को मृत्यु, ७८ बेपत्ता

काठमाडौं । गत वैशाखयता बाढी, पहिरो र चट्याङले मुलुकलाई नराम्ररी प्रभावित बनाएको छ । यसपालि मुलुकले ठूलो जनधनको क्षति बेहोरेको छ ।

बाढी, पहिरो र चट्याङका घटनामा परी  २६६ जनाले ज्यान गुमाएका छन् ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्यांक अनुसार देशको विभिन्न ठाँउमा बाढी, पहिरो र चट्याङमा परि बैशाख १ देखि साउन ३२ गतेसम्म उनीहरुको ज्यान गएको हो ।

जसमा ७८ जना हराईरहेका छन् भने ३३० जना घाइते भएका छन्। तथ्याङ अनसार पहिरोका घटनामा परी २०८ जनाको मृत्यु, ६६ जना वेपत्ता भएका छन् । १६२ जना घाइते भएका छन्।

सोही अवधिमा बाढीका घटनामा परी ७ जनाको मृत्यु, १२ जना बेपत्ता र ३ जना घाइते भएका छन्।

यो अवधिमा चट्याङ् लागेर ५१ जनाको मृत्यु भएको छ भने १६५ जना घाइते भएका छन्।