ठूलो वर्षात,टन्टलापुरे घाम
अनि औंशिको रातमा समेत
सुस्केरा हाल्दै,पसिना बगाउदै
पिठ्युँमा डोको राखेका छन्
ती बुढा बा ले
त्यही डोकोको साहराले गर्दा
आज सन्तानको पेट
गरुङ्गो बन्न पाएको छ
त्यो वर्षात अनि घाममा
बुढा बा संगै साथी
भएको छ डोको पनि
त्यो औंशिको रातमा ठुलाठुला
पहाड उक्लिएर
सन्तानको मुहारमा पुर्णिामाको
जुन देख्नु छ ,अनि सन्तानकै
भबिस्यमा समथर भुभाग
बनाउनु छ ,जहाँ कुनै
अप्ठ्यारो खुड्किला नहोस्
औधी माया अनि जतन छ
उनलाई त्यो प्यारो डोकोको
जब वर्षात हुन्छ,चारैतिर
प्वाल परेको कमिज ,त्यहीँ
पनि आङ्गबाट झिकेर ,आफू
निथ्रुक्क भै त्यो बूढो हड्डी
घोटाउन बाध्य छन्
किनकी उनलाई थाहा छ
डोको फाटेमा ,सन्तानको भोक
फाट्ने छ अनि भबिस्य त झन्
छताछुल्ल हुने छ
त्यसैले डोकोले मालसामान
मात्र नभई कयौं परिवारको
जिन्दगी बोकेको हुन्छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
