काठमाडाैं । नेपाली सेनाले कमाण्ड संरचनालाई यथावत् राख्दै आठवटै पृतनामा पृतनापतिहरु खटाएको छ ।
जसअनुसार सुदुरपश्चिम पृतनामा उपरथी होमनाथ दवाडी, प्रदेश नम्बर दुईमा प्रेमध्वज अधिकारी र लुम्बिनी प्रदेशमा यम ढकाललाई पठाइएको छ ।
विजय थापालाई हेटौडाको पृतनापतिको जिम्मेवारी दिइएको छ । उनी उपरथी बढुवाको लाइनमा थिए । हिरालाल जोशी कर्णाली प्रदेश, सुर्खेतका पृतनापति भएका छन् भने गण्डकी प्रदेश पोखरामा बावुराम श्रेष्ठलाई पृतनाको जिम्मेवारी दिइएको छ ।
त्यसैगरी, उपत्यकामा उपरथी योगराज शर्मा र प्रदेश नम्बर एक इटहरीमा उपरथी सहदेव खड्का यथावत् राखिएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
