काठमाडौँ । बिगत केहि समय देखि निरन्तर रुपमा घटबढ हुँदै आइरहेको सुनको मूल्य बढ्ने क्रम मंगलबार पनि जारी नै रह्यो ।
मंगलबार सुन प्रति तोलामा २ सय रुपैयाँले बढेर ८२ हजार ७ सय रुपैयाँ पुगेको नेपाल सुनचाँदी व्यवसाय महासंघले जनाएको छ । जुन हालसम्मकै उच्च भाउ हो ।
यसअघि फागुन २३ र २५ गते प्रति तोलामा सुन ८२ हजार ५ सय रुपैया पुगेर नयाँ रेकर्ड कायम गरेको थियो । मंगलबार तेजाबी सुन प्रति तोला ८२ हजार ४०० रुपैयाँमा कारोबार भैरहेको छ ।
मंगलबार चाँदी प्रति तोलामा १० रुपैयाँले घटेर ८ सय ८० रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको थियो । यसअघि आइतबार सुन प्रति तोला ८ सय ९० रुपैयाँमा कारोबार भएको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
