काठमाडौं । गण्डकी प्रदेशमा सार्वजनिक यातायात ठप्प भएको छ । यातायात व्यवसायीले राइड सेयरिङको विरोधमा आइतबार बिहानैदेखि सार्वजनिक यातायात ठप्प पारेका हुन्।
यातायात व्यवसायीको आन्दोलनका कारण पर्यटकीय राजधानी पोखरासहित सहरमा सार्वजनिक यातायात नचल्दा सडक सुनसान छ भने यात्रु मर्कामा परेका छन् । निजी सवारीसाधन भने संचालन भइरहेका छन् ।
यातायात व्यवसायीले दुईपांग्रे र चारपांग्रे सवारीलाई राइड सेयरिङ सञ्चालन गर्न रोक लगाउनुपर्ने, यात्रु ओसारपोसार गर्न दिने कार्ययोजना तत्काल खारेज गर्नुपर्ने माग राखेका छन् ।
त्यस्तै, श्रम आयोगको तत्काल गठन, सडक सुरक्षा योजना तत्काल लागू, यातायात प्राधिकरण गठन गरी यातयात सञ्चालनको कार्यविधि तयार र वैज्ञानिक भाडादर समायानुकूल समायोजन हुनुपर्ने माग राखेका छन् । आफ्ना माग पूरा नभएसम्म सवारीसाधन संचालन नगर्ने उनीहरुको भनाइ छ ।
शनिबार विज्ञप्ति जारी गर्दै नेपाल यातायात व्यवसायी राष्ट्रिय महासंघ गण्डकीले सार्वजनिक सवारी घर र ग्यारेजमा राखेर आन्दोलनमा सारिक हुन व्यवसायी र मजदुरलाई आह्वान गरेको थियो।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
