काठमाडौँ । डिस होमको इन्टरनेट सेवामा समस्या देखिएको छ। इन्टरनेट नचलेको र ग्राहक सेवा केन्द्रमा समेत सम्पर्क हुन नसकेको भन्दै सेवाग्राहीहरू सामाजिक सञ्जालमा आक्रोशित बनेका छन्।
इन्टरनेट हाम्रो दैनिक जीवनको महत्त्वपूर्ण भाग बनिसकेको छ। आजको डिजिटल युगमा इन्टरनेट सेवा अवरुद्ध हुँदा आम उपभोक्तालाई गम्भीर समस्या पर्छ। यस्तै समस्यासँग अहिले डिस होमका ग्राहकहरू गुज्रिरहेका छन्।
नेपालमा इन्टरनेट सेवा प्रदायकहरूबीच प्रतिस्पर्धा तीव्र छ। सस्तो मूल्यमा उच्च गतिको इन्टरनेट दिने प्रचारबाजी गर्दै बजारमा आएको डिस होमले ग्राहकलाई गुणस्तरीय सेवा दिन नसकेको सेवाग्राहीहरू बताउँछन्। २०० एमबीपीएससम्मको ब्यान्डविथ दिने दाबी गरे पनि वास्तविकता फरक रहेको गुनासो व्यापक छ।
ग्राहकहरूका अनुसार, डिस होमको १०० एमबीपीएससम्मको भनिएको इन्टरनेट अधिकांश अवस्थामा ३० देखि ५० एमबीपीएसमै सीमित रहन्छ। इन्टरनेट नचलेपछि ग्राहक सेवा केन्द्रमा सम्पर्क गर्दा फोन नउठ्ने, उठे पनि समस्या समाधान नभएको गुनासो व्यापक छ।
ग्राहकले इन्टरनेट समस्या बारे कम्पनीसँग जानकारी माग्दा कुनै आधिकारिक प्रतिक्रिया नआउँदा उनीहरू अन्यौलमा छन्। कम्पनीको वेबसाइट, ग्राहक सहायता केन्द्र, फोन लाइनहरू र अनलाइन च्याट सेवा समेत बन्द हुँदा सेवाग्राही झनै निराश भएका छन्।
डिस होमले अहिले गुणस्तरभन्दा प्रचारबाजी मात्र बढी गरेको ग्राहकहरुको गुनासो छ।
सामान्य रूपमा इन्टरनेट सेवा अवरुद्ध हुँदा अन्य सेवा प्रदायकहरूले आफ्ना ग्राहकलाई अग्रिम जानकारी दिने र छिट्टै समाधान गर्ने गरेका छन्। तर, डिस होमले न त समस्या आउनु अघि सूचना दिन्छ, न त समाधानपछि जानकारी गराउँछ।
सेवाग्राहीहरूले डिस होमको लापरबाही र कमजोर सेवा प्रवाहले नेपालमा डिजिटल पूर्वाधारको विकासमा समेत बाधा पुर्याइरहेको बताएका छन्। इन्टरनेट सेवामा यस्तो गैरजिम्मेवार रवैया अपत्यारिलो भए पनि ग्राहकहरू यसको मारमा परिरहेका छन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
