शाओमी १५ टी स्मार्टफोन नेपालमा सार्वजनिक, कति पर्छ मूल्य ?

काठमाडौं । विश्वव्यापी प्रविधि अग्रणी कम्पनी शाओमीले आफ्नाे नविनतम स्मार्टफाेन शाओमी १५ टी नेपालमा औपचारीक रूपमा सार्वजनिक गरेकाे छ ।

यो फ्ल्यागशिप स्मार्टफोनमा लाइकासँग मिलेर विकसित गरिएको ट्रिपल क्यामरा प्रणाली राखिएको छ, जसले व्यावसायिक स्तरको फोटोग्राफी र उच्चस्तरीय प्रदर्शन दुवै प्रदान गर्छ।

शाओमी नेपालका कन्ट्री जनरल म्यानेजर मनु मनस्वीले भने, “शाओमी १५टी शक्ति, बुद्धिमत्ता र नवप्रवर्तनको संयोजन हो। लाइकासँगको सहकार्यले हामीले प्रयोगकर्तालाई उत्कृष्ट तस्बिर गुणस्तर भएको क्यामरा प्रणाली उपलब्ध गराएका छौं। एआई प्रविधि र उच्च प्रदर्शन क्षमताको साथ यो स्मार्टफोनले नेपाली उपभोक्ताका लागि मोबाइल फोटोग्राफी र प्रयोग अनुभवमा नयाँ स्तर ल्याउनेछ।”

शाओमी १५टीमा ५०MP मुख्य क्यामरा (२३mm), ५०MP टेलिफोटो क्यामरा २x अप्टिकल जुमसहित (४६mm), र १२MP अल्ट्रा-वाइड क्यामरा (१५mm)गरी तीनवटा लाइका क्यामरा छन् ।

ठूलो अपर्चर भएको लाइका समिलक्स लेन्सले अँध्यारोमा पनि स्पष्ट र रंगीन तस्बिर खिच्न सक्छ।

फोनको डिजाइन पातलो र आकर्षक छ । यसमा मुलायम किनार, म्ययाट फिनिश र केवल ७.५ मिमि पातलो छ भने यसको तौला १९४ ग्राम छ ।

यो फोन आईपी६८ प्रमाणित भएकाले पानी र धुलोबाट सुरक्षित रहन्छ, र कोर्निङ गोरिल्ला ग्लास ७आईले स्क्र्याचबाट सुरक्षा दिन्छ ।

फोनमा मेडियाटेक डाइमेन्सिटी ८४००-अल्ट्रा चिपसेट (४ न्यानोमिटर), १२GB LPDDR5X र्याम, र ५१२GB UFS ४.१ स्टोरेज दिइएको छ।

यो एन्ड्रोइड १५मा आधारित हाइपरओएस २ मा चल्छ । साथै, यसमा ६.८३ इन्चको एएमोलेड डिस्प्ले, १.५के रिजोल्युसन र १२० हर्ज रिफ्रेस रेट रहेको छ। हाइपरओएस ३ पनि चाँडै उपलब्ध हुने बताइएको छ ।

फ्रन्टतर्फको भएको ३२ एमपी क्यामराले उच्च गुणस्तरका सेल्फी र भिडियो कलका लागि सहयोग गर्छ।

शाओमी १५टीमा ५५०० mAh ब्याट्री र ६७ वाट हाइपरचार्ज फास्ट चार्जिङ सुविधा छ (चार्जरसहित)। यसमा डुअल सिम, वाइफाइ ६इ, ब्लुटुथ ६.०, मल्टीफङ्शनल एनएफसी, ५जी समर्थन, र जीपीएस, ग्लोनास, ग्यालिलियो, बेइडो, क्युझेडएसएस र नाभिक जस्ता मल्टिब्यान्ड पोजिसनिङ प्रणाली पनि छन्।

नेपालमा शाओमी १५टी (१२ जीबी+५१२जीबी) मोडेलको मूल्य रु. ६४,९९९ तोकिएको छ। यो स्मार्टफोन ब्ल्याक, ग्रे र रोज गोल्ड गरी तीन रंगमा देशभरका शाओमीका अधिकृत स्टोरहरूमा उपलब्ध छ।