एभरेष्ट बैंकले भारतमा जित्यो दुई प्रतिष्ठित बैंकिङ अवार्ड

काठमाडौं । एभरेष्ट बैंक लिमिटेडले अन्तर्राष्ट्रिय स्तरका दुई प्रतिष्ठित बैंकिङ अवार्ड जित्दै आफ्नो सफलताको सूचीमा थप उपलब्धि जोडेको छ। बैंकले नेपालतर्फको ‘बेस्ट कमर्सियल बैंक’ र ‘बेस्ट पर्फर्मेन्स अन प्रोफिटाबिलिटी’ विधामा उत्कृष्टता हासिल गर्दै दुबै अवार्ड प्राप्त गरेको हो।

बैंकका प्रमुख कार्यकारी अधिकृत सुदेश खालिङका अनुसार, यी अवार्डहरू बैंकको दिगो लाभांश, उत्कृष्ट सेवासंस्कृति र वित्तीय सुदृढताको मान्यता हुन्। अवार्ड भारतको नयाँ दिल्लीमा शुक्रबार आयोजित एक विशेष समारोहमा प्रदान गरिएको थियो।

उक्त कार्यक्रममा एभरेष्ट बैंकका तर्फबाट असिस्टेन्ट जनरल म्यानेजर अञ्जु शर्माले अवार्ड ग्रहण गरेकी हुन्। यो सम्मान इन्डियन चेम्बर अफ कमर्स आफ्नो १००औँ वार्षिकोत्सवको अवसरमा प्रदान गरेको हो।

एभरेष्ट बैंकले ग्राहक सेवा, डिजिटल बैंकिङ, लाभदायिता र संस्थागत स्थायित्वका आधारमा लगातार सफलता हासिल गर्दै आएको छ।