काठमाडौं । प्रधानमन्त्री वालेन्द्र (बालेन) शाह आगामी मंसिर ६ र ७ गते दुईदिने औपचारिक भ्रमणका लागि भारत जाने भएका छन् ।
भ्रमणका क्रममा प्रधानमन्त्री शाहले भारतीय प्रधानमन्त्री नरेन्द्र मोदीसँग उच्चस्तरीय भेटवार्ता गर्ने कार्यक्रम रहेको छ ।
भेटवार्ताका क्रममा प्रधानमन्त्री शाह र भारतीय समकक्षी मोदीबीच करिब ३० मिनेट एक्लाएक्लै छलफल हुने कार्यतालिका रहेको छ । त्यसपछि दुवै देशका प्रतिनिधिमण्डलबीच औपचारिक वार्ता हुनेछ ।
भ्रमणका क्रममा नेपालले भारतसँग आर्थिक सहयोग, अन्तर्राष्ट्रिय हवाई सम्पर्क विस्तार तथा थप हवाई प्रवेशमार्ग उपलब्ध गराउने विषयलाई प्राथमिकताका साथ उठाउने तयारी गरेको छ ।
प्रधानमन्त्री शाहको यस भ्रमणलाई नेपाल–भारतबीचको द्विपक्षीय सम्बन्ध, आर्थिक सहकार्य तथा हवाई सम्पर्क विस्तारका विषयमा छलफल गर्ने महत्वपूर्ण अवसरका रूपमा हेरिएको छ ।





Comment