सुनको मूल्य बढ्यो,कतिमा हुँदैछ कारोबार ?

काठमाडौं । नेपाली बजारमा आज सुनको मूल्य बढेको छ ।

सोमबार सुनको मूल्य प्रतितोला ९९ हजार ६ सयमा कारोबार भएकोमा तोलामा २ सयले बढेको नेपाल सुनचाँदी व्यवसायी महासंघले जनाएको छ ।

नेपाल सुनचाँदी व्यावसायी महासंघका अनुसार  मंगलबारका लागि छापावाल सुन प्रतितोला ९९ हजार ८०० रुपैयाँ तेजावी ९९ हजार ३७५ रुपैयाँ तथा चाँदी १ हजार २३० रुपैयाँ तोकेको छ ।

आइतबारको तुलनामा सुनको भाउ प्रतितोला २०० सय रुपैयाँले बढेको हो । सोमबार आइतबारकै भाउमा कारोबार भएको थियो ।

नेपाल सुनचाँदी व्यवसायी महासंघले साउन १९ गते सोमबारका लागि छापावाल सुन प्रतितोला ९९ हजार ६०० रुपैयाँ तेजावी ९९ हजार १६० रुपैयाँ तथा चाँदी १ हजार २३० रुपैयाँ तोकेको थियो ।

चाँदीको भाउ यसअघि साउन १३ गते १ हजार २४५ रुपैयाँसम्म पुगेको थियो।