फेरि ओरालो लाग्यो शेयर बजार, ३ अर्ब ६९ करोडको कारोबार

काठमाडौं । शेयर बजारमा झिनो अंकको गिरावट आएको छ । साताको कारोबारको चौंथोदिन शेयर बजार मापक सूचक नेप्से ७.१३ अंकले घटेर २१७०.२१ विन्दुमा झरेको छ ।

मंगलवार दिन शेयर बजार मापक सूचक नेप्से ७६.६४ अंकले बढेको थियो ।

नेपाल स्टक एक्सचेन्जका अनुसार बुधवार २५७ कम्पनीको ३ अर्ब ६९ करोड १९ लाख ७२ हजार ८१७ रुपैयाँ बराबरको १ करोड, ५ लाख २ हजार ६४९ कित्ता शेयर किनबेच भएका छन् ।

अघिल्लो दिनको तुलनामा कारोबार रकम बढेको छ । मंगलवार ३ अर्ब ३६ करोड २२ लाख ६७ हजार ७८ रुपैयाँ बराबरको ९३ लाख ३३ हजार ७८८ कित्ता शेयर किनबेच भएका छन् ।