मन्त्रीसँगै राज्यमन्त्री पनि रिबन काट्न तम्सिएपछि…

काठमाडौं । मन्त्रीसँगै राज्यमन्त्री पनि रिबन काट्न तम्सिएपछि आयोजक नै अन्योलमा परेको छ । 

व्यानरमा कार्यक्रमको प्रमुख अतिथिमा स्वास्थ्य तथा जनसंख्या मन्त्री पदम गिरीको नाममात्रै लेखिए पनि राज्यमन्त्री डा.तोसिमा कार्की पनि सहभागी भएर रिबन काट्न तम्सिएपछि अन्योल देखिएको हो । 

वीर अस्पतालको क्याथ ल्याब सेवा उद्घाटनमा व्यानरमा  प्रमुख अतिथि गिरीको नाममात्रै लेखिए पनि राज्यमन्त्री कार्की पनि सहभागी थिइन्। 

राज्यमन्त्री चिकित्सक नै भएकाले आउने इच्छा गरेपछि पछि बोलाइएको थियो । 

व्यानरमा मन्त्रीले मात्रै उद्घाटन गर्ने लेखिए पनि मन्त्री र राज्यमन्त्री दुवैलाई रिबन काट्न अस्पतालले दुई कैँचीको व्यवस्था गरेको थियो। मन्त्रीसँगै राज्यमन्त्री पनि रिबन काट्न तम्सिएको देखिन्छ।