बालिका बलात्कार आरोपमा ४८ वर्षीय पुरुष पक्राउ

पाल्पा । पाल्पामा बालिकालाई बलात्कार गरेको आरोपमा एक जनालाई प्रहरीले पक्राउ गरेको छ।

तिनाउँ गाउँपालिका-१ कचलका ४८ वर्षीय पुरुषलाई पक्राउ गरिएको जिल्ला प्रहरी कार्यालय पाल्पाले जनाएको छ।

ती पुरुषमाथि १२ वर्षीया बालिकालाई बलात्कार गरेको आरोप लागेको छ। बिहीबार नियन्त्रणमा लिइ घटनाबारे थप अनुसन्धान भइरहेको प्रहरीले जनाएको छ।