नुवाकोट । नेपाली कांग्रेस विदुर नगरपालिका वडा नम्बर ११ का पदाधिकारीहरुले पदबाट सामुहिक राजीनामा दिएका छन् ।
पार्टीभित्रको आन्तरिक किचलोका कारण विदुर नगरपालिका वडा नं ११ का इकाई सभापतिसहित सचिव र कोषाध्यक्षले पदबबाट राजीनामा दिएका हुन् । राजीनामा दिनेहरुमा कार्यवहाक सभापति ज्ञानप्रसाद प्याकुरेल ,सचिव नमराज चालिसे र कोषाध्यक्ष खुल प्रसाद तिमिल्सिना सहित अन्य १९ जना सदस्यहरु रहेका छन् ।
उनीहरुले राजीनामा नेपाली कांग्रेस जिल्ला कार्यसमितिका सभापति रमेश महत, क्षेत्र नम्बर २ का क्षेत्रीय सभापति जगत लामा र विदुर नगरपालिकाका नगर सभापति हरिलाल श्रेष्ठलाई बुझाउने तयारी गरेका छन् ।
सभापति सहित पदाधिकारीहरुले विकास निर्माणमा आफ्नो वडालाई पछि पारिएको, पार्टीभित्र गुट मौलाएको लगायतका विषय उल्लेख गर्दै राजीनामा दिएका छन् । राजीनामा पत्रमा आफूहरुले उठाएको विषयहरुमा सम्बोधन हुने विश्वास उनीहरुले गरेका छन्।
यस्तै नगरपालिकामार्फत हुने विकास निर्माणमा पार्टीको सहयोग नभएको, वडामा बजेट विनियोजन गर्दा भेदभाव गरेको लगायतको आरोप लगाइएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।