काठमाडौं । नेपाल आयल निगमले हवाई इन्धनको मूल्य घटाएसँगै हवाई भाडा घटेको छ ।
निगमले आइतबार आन्तरिक हवाई इन्धनको मूल्य प्रतिलिटर ५ रुपैयाँ घटाएसँगै नागरिक उड्डयन प्राधिकरण (क्यान)ले इन्धन शुल्क (फ्युल सरचार्ज) घटाएको हो ।
निगमले प्रतिलिटर १३७ रुपैयाँ रहेको आन्तरिक हवाइई इन्धनको मूल्य घटाएर १३२ रुपैयाँ कायम गरेको छ । फ्युल सरचार्ज घटेसँगै हवाई भाडा पनि घटेको छ ।
क्यानले गन्तव्य अनुसार फ्युल सरचार्ज न्यूनतम २० रुपैयाँदेखि अधिकतम २६५ रुपैयाँसम्म घटाएको छ । लुक्ला-फाप्लुको २० रुपैयाँ र विराटनगर-नेपालगञ्जको सर्वाधिक २६५ रुपैयाँ घटेको छ ।
त्रिभुवन अन्तर्राष्ट्रिय विमानस्थलबाट उडानमा माउन्टेन फ्लाइटमा फ्युल सरचार्ज १७० रुपैयाँ, भद्रपुर १५० रुपैयाँ, विराटनगर १२० रुपैयाँ, जनकपुर ६५ रुपैयाँ, भरतपुर ५० रुपैयाँ, पोखरा ८० रुपैयाँ, भैरहवा १०५, नेपालगग्जमा १६५, धनगढीमा २२० रुपैयाँ घटेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
