काठमाडौं ।जापानको राजधानी टोकियोमा जारी ३२औँ ग्रीष्मकालीन ओलम्पिकमा चीन ३४ स्वर्ण पदकसहित शीर्ष स्थानमा कायमै रहेको छ।
चीनले हालसम्म ३४ स्वर्ण, २४ रजत र १६ कास्य पदक प्राप्त गरेको छ। पदक तालिकाको दोस्रोमा अमेरिका तथा तेस्रो स्थानमा जापान रहेका छन्।
अमेरिकाले २९ स्वर्ण, ३५ रजत र २७ कास्य पदक प्राप्त गरेको छ भने जापानले २२ स्वर्ण, १० रजत र १४ कास्य प्राप्त गर्न सफल भएको छ।
यस्तै, अस्ट्रेलिया १७ स्वर्ण, ५ रजत र १९ कास्य पदकका साथ चौथों स्थानमा उक्लिएको छ भने रसियन ओलम्पिक कमिटी पदक तालिकाको पाँचौं स्थानमा छ। उसले १६ स्वर्ण, २२ रजत र २० कास्य पदक प्राप्त गरेको छ।
बेलायत १६ स्वर्ण, १८ रजत र १७ कास्यसहित पदक तालिकाको छैटौं स्थानमा छ।
टोकियो ओलम्पिकमा सहभागी २०५ देशमध्ये हालसम्म ८१ देशले पदक प्राप्त गर्न सफल भएका छन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
