काठमाडौं । कोभिड–१९ को संक्रमण रोक्न लकडाउन घोषणा गरेसँगै विदेशमा रहेका नेपालीहरुको उद्धार कार्य जारी छ ।
सरकारले स्वदेश फर्काउन सुरु गरेदेखि असार २३ गतेसम्मको अवधिमा २१ हजार ४ सय १२ जना स्वदेश फर्किएका छन् ।
सीसीएमसीको तथ्यांक अनुसार त्यस अवधिमा सबैभन्दा धेरै कुवेतबाट स्वदेश फर्किएका छन् । कुवेतबाट ४७ सय ७५ जनाको उद्धार भएको हो । जसमा प्रदेश २ का १२ सय ३५ जना रहेका छन् । मलेसियाबाट २१ सय ११ जना, युएई ३९ सय ६२ जना नेपालीहरू स्वदेश फर्किएका छन्।
जापानबाट ४ सय ९२ जना, अफगानिस्तानबाट १८ जना, हङकङबाट ८९ जना, म्यानमारबाट २६ जना र अस्ट्रेलियाबाट ४८३ जनाको उद्धार गरिएको छ।
यस्तै बंगलादेशबाट ४ सय ४१ जना, ओमानबाट ३ सय १३ जना, माल्दिभ्सबाट ७ सय ९ जना नेपाल फर्किएका छन् ।
यसैगरी कतारबाट २ हजार २ सय ५६ जना, श्रीलंकाबाट ५ जना, साउदी अरबबाट ३ हजार २ सय १४ जना जना नेपाली फर्किएका छन् भने दक्षिण कोरियाबाट २ सय २८ जना नेपाल फर्किएका छन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
