काठमाडौं । विश्वभर एकैदिन दुई लाख भन्दा बढी ब्यक्तिमा कोरोना संक्रमण पुष्टि भएको छ । गत २४ घण्टामा विश्वभर २ लाख ८ हजार २६ जनामा कोरोना भाइरसको संक्रमण देखिएसँगै संक्रमितको संख्या १ करोड १० लाख ४७ हजार २ सय १७ पुगेको हो ।
यो एकै दिन संक्रमण पुष्टि भएको अहिलेसम्मकै सबैभन्दा धेरै संख्या हो । एकैदिन विश्वभर पाँच हजार एक सय ४५ जनाको कोरोना संक्रमणको कारण मृत्यु भएको छ ।
कोरोना भाइरसका कारण अमेरिकामा चौबिस घण्टामा ५६ हजार ८ सय ७५ जना नयाँ संक्रमित थपिएका छन् ।
ज्यान गुमाउनेको संख्या १ लाख ३१ हजार ५ सय ३ पुगेको छ । २८ लाख ३७ हजार ६ सय ८१ जना संक्रमित छन । ब्राजिलमा ४७ हजार ९ सय ४८ जना भाइरसका नयाँ संक्रमित थपिएका छन् ।
ब्राजिलमा मृत्यु हुनेको संख्या ६१ हजार ९ सय ९० पुगेको छ । १५ लाख १ हजार ३ सय ५३ जनामा संक्रमण पुष्टि भएको छ । रुसमा ६ हजार ७ सय ६० जना नयाँ संक्रमित थपिएका छन ।
भारतमा संक्रमितको संख्या ६ लाख २५ हजार ५ सय ४४ पुगेको छ। भारतमा कोरोना संक्रमणपछि मृत्यु हुनेको संख्या १८ हजार २ सय १३ पुगेको छ। भारतमा हालसम्म ३ लाख ७९ हजार ८ सय ९२ संक्रमित संक्रमणमुक्त भएका छन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
