सोलुखुम्बु । सोलुखुम्बुको थुलुङ दुधकोशी गाउँपालिकाले गाउँमा विदेशबाट फर्किनेको जानकारी दिनेलाई ५ हजार रुपैयाँ पुरस्कार घोषणा गरेको छ । टोलटोलमा माइकिङ गरेर गाउँपालिकाले वैदेशिक रोजगारीबाट आएकाको जानकारी दिने व्यक्तिलाई ५ हजार रुपैयाँ नगद पुरस्कार दिने घोषणा गरेको हो ।
वैदेशिक रोजगारीबाट आएका पाँच जनालाई गाउँपालिकाको स्वास्थ्यकर्मीको निगरानीमा सेल्फ होम क्यारेन्टाइनमा राखिएको गाउँपालिका अध्यक्ष असिम राईले जानकारी दिए । प्रत्येक वडामा १५/१५ शैयासहितको क्वारेन्टाइन र तीन स्थानमा पाँच शैयाको आइसोलेसन कक्ष निमार्ण गरेको उनले बताए ।
गाउँपालिकाले अति विपन्न परिवारलाई खाद्यान्न राहत प्रदान गर्ने निर्णय गरेको छ । गाउँपालिका स्वास्थ्य शाखा प्रमुख उद्धव ढुङ्गानाका अनुसार तीन थान पीपीई, ३ थान गन फर फिवर र केही औषधि रहेका छन् ।
नेचासल्यान गाउँपालिकाले वैदेशिक रोजगारीबाट आएका तीन जनालाई सेल्फ होम क्यारेन्टाइनमा राखेको छ । जिल्लाको अति विकट क्षेत्रमा रहेको महाकुलुङ्ग गाउँपालिकामा वैदेशिक रोजगारीबाट आएका तीन जनालाई सेल्फ होम क्वारेनटाइनमा राखिएको गाउँपालिका स्वास्थ्य शाखा संयोजक हरि आचार्यले जानकारी दिए ।
सोताङ गाउँपालिकाले वैदेशिक रोजगारीबाट आउनेको अवस्था समेत पहिचान गरेको छैन ।
विश्वको सर्वोच्च शिखर सगरमाथा भएको खुम्बु पासाङल्हामु गाउँपालिकाले ९ शैयाको आइसोलेसन कक्ष र ४ वटा क्वारेन्टाइन स्थापना गरेको छ । रासस
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
