काठमाडौं । नेपाल बैंक लिमिटेडले आफ्ना शेयरधनीहरूलाई शेयर अभौतिकीकरण गराउन आग्रह गरेको छ । बैंकले मंगलबार एक सूचना जारी गर्दै आफ्ना शेयरधनीहरूलाई शेयर अभौतिकीकरण गराउन आग्रह गरेको हो ।
बैंकका ३ हजार एक सयभन्दा बढी शेयरधनीहरूले अझैसम्म पनि शेयर अभौतिकीकरण नगराएको बताउँदै तत्काल शेयर अभौतिकीकरण गराउनु भनेको छ ।
बैंकले आर्थिक वर्ष २०७५/७६ र २०७६/७७ मा प्रदान गरेको नगद लाभांश र बोनस शेयर डिम्याट खाताको अभावमा सम्बन्धित खातामा जम्मा हुन नसकेको र भविष्यमा दिइने लाभांश पनि डिम्याट खाता नभइकन जम्मा नहुने भएकाले बैंकको शेयर रजिष्ट्रार सिभिल क्यापिटलमा सम्पर्क राखी शेयर अभौतिकीकरण गराउन आग्रह गरेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
