काठमाडौं । धितोपत्र बजार साताभर नै सकारात्मक देखियो । साताको अन्तीम दिन आज नेप्से परिसूचक २९.३२ अंकले बढेर १ हजार ४ सय ३४.५७ अंकमा पुगेको छ ।
विहिवार ‘क’ वर्गका कम्पनीहरुको मापक सेन्सेटिभ इन्डेक्स पनि बढ्यो सेन्सेटिभ इन्डेक्स ४.५० अंकले बढेर ३००.४४ अंकमा पुगेको छ । यो संख्या बुधवारको तुलनामा १.५२ प्रतिशत बढी हो ।
विहिवार कारोबारमा आएका मध्ये ट्रेडिङ र सामुहकि लगानी कोष बाहेक अन्य सबै सम्ुहको सूचक बढ्यो । ट्रेडिङ समुहको सूचक १.१ प्रतिशत घट्यो भने सामुहिक लगानी कोष ०.३९ प्रतिशत घट्यो ।
विहिवार सबैभन्दा धेरै लघुवित्त समुहको सूचक बढ्यो । लघुवित्तको सूचक ६.३५ प्रतिशत बढ्यो । त्यस्तै, निर्जीवन बिमाको ५.५५ प्रतिशत, जीवन बिमाको ४.७६ प्रतिशत बढ्यो भने अन्य कम्पनीको पनि राम्रै अंकले बढ्यो ।
इतिहासकै सबैभन्दा धेरै कारोबार
विहिवार धितोपत्र बजारको इतिहासकै सबैभन्दा धेरै कारोबार भएको छ । यसअघि वि.स. २०७३ सालमा २ अर्ब ७५ करोडको कारोबार भएकोमा आज १ सय ८० कम्पनीको ५८ लाख २९ हजार ५ सय १० कित्ता शेयर २३ हजार ९०० पटक किनबेच हुँदा २ अर्ब ७८ करोड ५० लाख ४ हजार ९ सय ८ रुपैयाँ बराबरको कारोबार भयो ।
यो धितोपत्र बजारको इतिहासमै एकैदिन भएको सबैभन्दा ठूलो रकमको कारोबार हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
