काठमाडौं । नायक प्रदीप खड्का र निर्देशक दिनेश राउतले पहिलो पटक फिल्ममा टिमअप गर्ने भएका छन् ।
सो फिल्म सामाजिक विषयवस्तुमा आधारित हुनेछ । नाम तय नभइसकेको फिल्ममा प्रदीप खड्काले २० लाख पारिश्रमिक बुझेको चर्चा छ । तर, यसमा कुनै सत्यता नभएको निर्देशक राउत बताउँछन् ।
प्रदिप फिल्मलाई लिएर निकै नै उत्साहित रहेका छन् । अहिलेसम्म प्रदिपलाई देखेको भूमिकाभन्दा दर्शकले भिन्न पाउने छन् । फिल्ममा प्रदीपले गाउँले युवकको भूमिका निभाउँदैछन् । विकास सुवेदीले साे फिल्मको स्क्रिप्टमा काम गरिरहेका छन् । कोरोना महामारीपछि छायांकन सुरु हुने फिल्मका लागि अभिनेत्री भने छनोट गरिएको छैन । प्रदीपले यो फिल्मपछि ‘हुतुतु’ फिल्म गर्नेछन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
