काठमाडौं। व्यवसायी रूपमा सफल मानिएको चलचित्र 'प्रसाद' को सिक्वेल 'प्रसाद-२' बन्ने भएको छ। चलचित्रका निर्माता सुवास थापाले प्रसाद-२ बनाउने भएका हुन्।
सुशील पौडेलको पटकथा तथा सम्वाद रहने चलचित्रमा सौरभ चौधरीले निर्देशन गर्नेछन्। यसअघि प्रसादको भने दिनेश राउतले निर्देशन गरेका थिए।
प्रसादकै कलाकार विपिन कार्की र नम्रता श्रेष्ठ नै मुख्य भूमिमा हुनेछन्। उनीहरू दुवैजनासँग सम्झौता भइसकेको छ। अन्य कलाकार छनोट गर्न बाँकी रहेको यो चलचित्रका लागि स्क्रिप्ट लेखनको काम भने सकिएको छ।
कोरोना महामारीको अवस्था सामान्य भएपछि चलचित्रको छायांकन शुरू हुनेछ। चलचित्र वितरक करण श्रेष्ठले फेसबुकमार्फत चलचित्रबारे सामान्य जानकारी दिएका छन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
