काठमाडौं । अटोमोबाइल क्षेत्रको महाकुम्भ मेला नाडा अटो शो २०२४ आजदेखि सुरू भएकाे छ । काठमाडौंको भृकुटीमण्डपमा ६ दिन (भदौ १६ गते)सम्म संचालन हुने अटो शोमा विभिन्न ब्राण्डका कारदेखि बैंकहरूले सहभागिता जनाएका छन् ।
यस पटकको अटो शोमा २३ वटा चारपाङ्ग्रे कार ब्राण्ड, १८ वटा मोटरसाइकल तथा स्कुटर, १४ वटा लाइट कमर्शियल गरी ५५ ब्राण्डले सहभागिता छ । साथै, २६ वटा कम्पोनेन्ट कम्पनी, ७ वटा बैंक तथा वित्तीय संस्था र एउटा बीमा कम्पनी अटो शोमा सहभागिता जनाएकाे आयोजक नाडाले जनाएको छ ।
अर्थमन्त्री विष्णुप्रसाद पौडेलले उद्घाटन गरेकाे अटो शोमा सुजुकी, हुन्डाई, टाटा, किया, महिन्द्रा, एमजी र बीवाइडीले सहभागिता जनाएका छन् ।
त्यसैगरी, ओमोडा/जेको, काई, लिप मोटर्स, रेडारा, आयोन, नेटा, जीकर, एक्सपेङ, अवतार, नामी, सेरेस, दिपल, स्काइवेल, हेनरी र बीएडब्लू ब्राण्डले चार पाङ्ग्रे साधन प्रदर्शनी गर्नेछन् ।
मोटरसाइकल ब्राण्डको सहभागिता पनि यस वर्ष निकै राम्रो देखिएको छ । चल्तीका सबै ब्राण्डले सहभागिता जनाउने अटो शोमा बजाज, यामाहा, टीभीएस, हिरो, सुजुकी, रोयल इनफिल्डले सहभागिता जनाएका छन् ।
त्यसैगरी, सीएफ मोटो, गोगोरो, ग्यारो, जीहो, इलेक्ट्रीक वान, जोनसेन, ट्रायम्फ, एथर, एनआईयू, याडिया, बेनेली, भेस्पा, बीएमडब्ल्यू जस्ता ब्राण्डले सहभागिता जनाएका छन् ।
लाइट कमर्शियलमा सेग्मेन्टमा पनि ठूलो संख्यामा सहभागिता रहेका छन् । यस पटकको अटो शोमा केवाइसी, किङलङ, कामा, हाइगर, डोङफेङ, सीएचटीसी, हालमर्भ जस्ता ब्राण्ड छन् । कामा ब्राण्ड तीन कम्पनीले प्रदर्शनी गरेका हुन् ।
कम्पोनेन्टमा हिटको, नेपाल ल्युब, लक्ष्मी अटोकर्प, लक्ष्मी ल्युब, सत्यदीप इन्टरनेशनल, ब्राइट नेपाल अटो टके, सत्यदीप इनर्जी, एसडीआइ अटोमोबाइल, युनिपेट्रो इनर्जी, एसटीसी इनर्जी र गुड डिल ट्रेडिङले सहभागिता जनाएका छन् ।
त्यसैगरी, डेल्टा डिष्ट्रिब्युटर, शिव ओम शक्ति, सिप्रदी ट्रेडिङ, त्रिथुङ्गा ट्रेडिङ, कामना डिष्टिब्युटर, माइक्रो बिज, इनर्जी पावर, पन्चकन्या मार्केटिङ, पौडल इन्टरप्राइजेज्, सिम्पल टेक, क्रिटो प्रालि र आइएमई इलेक्ट्रीकले पार्टस् तथा कम्पोनेन्ट प्रदर्शनी गरेका छन् ।
इन्स्योरेन्स कम्पनीमा शिखर इन्स्योरेन्सले मात्रै अटो शोमा भाग लिएको छ । बैंक तथा वित्तीय संस्थामा हिमालयन बैंक, महालक्ष्मी विकास बैंक, लक्ष्मी सनराइज बैंक, ग्लोबल बैंक, नबिल बैंक, सानीमा बैंक, माच्छापुच्छ्रे बैंकले सहभागीता जनाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
