काठमाडौँ । गृहमन्त्री रमेश लेखकले चैत १५ गते काठमाडौँमा राजावादी समूहले गरेको प्रदर्शन लोकतान्त्रिक गणतन्त्र र संविधानलाई उल्ट्याउने उद्देश्यबाट प्रेरित रहेको बताएका छन्।
शुक्रबार संसदको राज्य व्यवस्था समितिमा बोल्दै उनले उक्त प्रदर्शन सत्तापक्षलाई खबरदारी गर्न नभई लोकतन्त्रको समाप्ति गर्न उद्यत भएको बताए। उनले पूर्वराजा ज्ञानेन्द्र शाहको अभिव्यक्तिहरू र नेताहरूको धारणा समेतले यो उद्देश्य स्पष्ट हुने दाबी गरे।
गृहमन्त्रीले तीनकुनेमा भएको हिंसात्मक प्रदर्शनबारे संसदलाई जानकारी गराउने तयारी गर्दागर्दै बैठक अन्त्य भएको जनाउँदै मृतक परिवारलाई १० लाख रुपैयाँ राहत दिने निर्णय भएको जानकारी गराए। साथै, घाइतेहरूको निःशुल्क उपचार गरिने बताए।
त्यसैगरी उनले भृकुटीमण्डपमा समाजवादी मोर्चाले गरेको शान्तिपूर्ण प्रदर्शनको प्रशंसा गर्दै त्यसलाई सभ्य र अनुशासित बताए।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
