काठमाडौं । हुन्डाई गाडी खरिदमा ६ लाख रुपैयाँसम्म नगद छुट पाइने भएको छ । हुन्डाई गाडीको नेपालका लागि आधिकारिक बिक्रेता लक्ष्मी इन्टरकन्टिनेन्टलले नयाँ वर्ष लक्षित गरि ल्याएको योजनामा सो बराबरको नगद छुट पाइने भएको हो ।
कम्पनीले आजदेखि हुन्डाई नयाँ वर्ष, नयाँ वर्ष २०८१ नामको योजना ल्याएको छ। सो योजना अन्तर्गत हुन्डाई गाडी खरिदमा ६ लाख रुपैयाँसम्मको नगद छुट पाइने छ । यस्तै, एक्सचेञ्जमा भने १० लाख रुपैयाँसम्मको बोनस प्राप्त गर्न सकिने कम्पनीले जनाएको छ।
यसका साथ निःशुल्क बीमा सुविधा पनि रहेको कम्पनीले जनाएको छ। कम्पनीका अनुसार हुन्डाई गाडी किन्दा १ वर्षसम्मको निःशुल्क बीमा सुविधा र सवारी करको सुविधा पनि रहेको छ । यस्तै, तत्काल मूल्याङ्क र एक्सचेञ्ज सुविधा पाउने कम्पनीले जनाएको छ।
कम्पनीका अनुसार स्क्रयाचको ३ गुणासम्म नगद छुट प्राप्त गर्न सक्ने छन् । यस्तै, सबै प्रकारका गाडी खरिदमा ३ वर्षको वारेन्टी, ६ वर्षको निःशुल्क सर्भिसिङ सुविधा रहेको कम्पनीले जनाएको छ। यता, विद्युतीय गाडीको ब्याट्रीमा ८ वर्ष र मोटरमा २ वर्ष वारेन्टी सुविधा छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
