जनकपुरधाम । प्रदेश नं २ सरकारले सवारीसाधनमा लाग्ने शुल्क र दस्तुरमा असार मसान्तसम्म जरिवाना नलिने निर्णय गरेको छ ।
कोभिड अवधिसम्मका लागि यातायातमा लाग्ने जरिवाना छुट गर्ने निर्णय भौतिक पूर्वाधार विकास मन्त्रालयले गरेको हो । लामो समयदेखिको निषेधाज्ञाका कारण सवारीको शुल्क र दस्तुर बुझाउन नसक्ने अवस्था सिर्जना भएको भन्दै यस्तो निर्णय गरिएको भौतिक पूर्वाधार विकास मन्त्री रामसरोज यादवले बताए ।
निषेधाज्ञाका कारण सार्वजनिक सवारी साधनहरु सञ्चालनमा नआएको र यातायात कार्यालय समेत बन्द रहेकाले सरकारले जरिवाना छुट दिने निर्णय गरेको उनले बताए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।