सरकारले तोक्यो उखुको न्यूनतम मूल्य, प्रतिक्विन्टल ६२० रुपैयाँ

काठमाडौं । मन्त्रिपरिषद् बैठकले उखुको न्यूनतम खरिद मूल्य तोकेको छ ।

सोमबार साँझ बसेको मन्त्रिपरिषद् बैठकले आर्थिक वर्ष २०८२/८३ का लागि उखुको न्यूनतम खरिद मूल्य प्रतिक्विन्टल ६२० रुपैयाँ निर्धारण गर्ने निर्णय गरेको हो ।

त्यस्तै, अनुदान रकम प्रतिक्विन्टल ७० रुपैयाँ कायम गर्ने निर्णय भएको सरकारका प्रवक्ता सञ्चार तथा सूचना प्रविधिमन्त्री जगदीश खरेलले जानकारी दिए ।