कामना सेवाले बोलायो १९ औं वार्षिक साधारणसभा, लाभांश प्रस्ताव पारित गर्ने

काठमाडौं । कामना सेवा विकास बैंकले लाभांश प्रस्ताव पारित गर्ने एजेण्डासहित साधारणसभा आह्वान गरेको छ ।

बैंकले गत आर्थिक वर्ष २०८१/८२ को प्रस्तावित लाभांश प्रस्ताव पारित गर्ने एजेण्डा सहित २४ असोजमा साधारणसभा आह्वान गरेको हो ।

बैंकले १९ औं वार्षिक साधारणसभा असोज २४ गते लिसारा रिसेप्शन, भगवती बहाल, नक्सालमा हुनेछ ।

बैंकले साधारणसभामा हाल कायम चुक्ता पुँजीको १० प्रतिशतका दरले बोनस सेयर र प्रस्तावित लाभांशमा लाग्ने कर प्रयोजनका लागि समेत गरी ५.७८९५ प्रतिशत नगद लाभांश वितरण गर्ने प्रस्ताव लैजानेछ । यस्तै साधारणसभामा प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव पनि लैजानेछ ।

बैंकको साधारणसभाले संस्थापक सेयरधनीहरुको तर्फबाट ३ जना र सर्वसाधारणको तर्फबाट ३ जना गरी जम्मा ६ जना सञ्चालकको निर्वाचन गर्ने, लेखापरीक्षक नियुक्त गर्ने लगायतका प्रस्तावहरु पनि साधारणसभामा छ ।

बैंकले साधारण सभा तथा लाभांश वितरण प्रयोजनार्थ असोज ८ गते एक दिनका लागि बुकक्लोज हुने बताएको छ । यस अनुसार असोज ७ गतेसम्म नेप्सेमा कारोबार भइ कायम सेयरधनीहरुले बैंकको साधारण सभामा सहभागिता जनाउन तथा बैंकले वितरण गर्ने लाभांश प्राप्त गर्न सक्नेछन्।