माछापुच्छ्रे बैंकको लाभांश पाउन भदौ २६ भित्र सेयर किन्नुपर्ने

काठमाडौं । माछापुच्छ्रे बैंकको लाभांश पाउन इच्छुक लगानीकर्ताले भदौ २६ गतेभित्र सेयर किन्नुपर्ने भएको छ । बैंकले असोज १० गते हुने वार्षिक साधारणसभाका लागि भदौ २७ गते एक दिनका लागि सेयरधनी दर्ता किताब बन्द (बुक क्लोज) गर्ने निर्णय गरेको हो ।

बैंकले साधारणसभामा ४ प्रतिशत बोनस सेयर र ४ प्रतिशत नगद लाभांश वितरण गर्ने प्रस्ताव प्रस्तुत गरेको छ ।

यसअनुसार भदौ २६ गतेसम्म सेयर खरिद गर्ने लगानीकर्ताले लाभांश पाउने मात्र नभई साधारणसभामा भाग लिन र मतदान गर्न पनि सक्नेछन् ।