टाटा मोटर्सको ‘श्रावणमै दशैं’ अफर

काठमाडौं । नेपालका लागि टाटा मोटर्सको अधिकारिक वितरक, सिप्रदी ट्रेडिङले ‘श्रावणमै दशैं’ कार्यक्रम आयोजना गर्न लागेको छ ।

कम्पनीले साउन २५ गतेदेखि २७ गतेसम्म एक्सचेञ्ज कार्यक्रम आयोजना गर्न लागेको हो । एक्सचेन्ज कार्यक्रम टाटा मोटर्सको शोरुम थापाथलीसहित देशैभरका शोरुमहरूमा संचालन हुने कम्पनीले जनाएको छ ।

उक्त कार्यक्रममा ग्राहकले जुनसुकै ब्राण्डका पुराना गाडीहरूसँग टाटाको टियागो ईभी साट्न सक्नेछन् । साथै, निःशुल्क अटोप्लस इन्स्योरेन्स, ३ वर्षको सर्भिसिङ, १ वर्षको सवारी कर, एक्सेसरिज तथा आकर्षक एक्सचेन्ज बोनस लगायतका सुविधाहरू पाउने छन् ।

यस्तै, ग्राहकले टाटा मोटर्सको नयाँ तथा अत्याधुनिक डिजाइनका उत्पादनहरू अवलोकन तथा टेष्ट ड्राइभ गर्न सक्नेछन् ।