घट्यो सुनको मूल्य,कतिमा हुँदैछ कारोबार ?

काठमाडौं । नेपाली बजारमा सुनको मूल्य आज घटेको छ । आइतबार छापावाल सुन प्रतितोला ९० हजार ५ सयमा कारोबार भएकोमा आज ३ सयले घटेको नेपाल सुनचाँदी व्यावसायी महासंघले जनाएको छ । 

महासंघका अनुसार आज छापावाल सुनको मूल्य प्रतितोला ९० हजार २ सय रहेको छ भने तेजावी सुन प्रतितोला ८९ हजार ७६० रहेको छ । 

त्यस्तै, आज चाँदीको मूल्य स्थिर रहेको छ । आइतबार चाँदी प्रतितोला ९४० रुपियाँमा कारोबार भएकोमा आज पनि सोहि मूल्यमा कारोबार भइरहेको महासंघले जनाएको छ।