थप १११ जनामा कोरोना पुष्टी

काठमाडौं । पछिल्लो २४ घण्टामा नेपालमा थप १११ जनामा कारोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार १०४० जनाको पीसीआर परीक्षण गर्दा ७८ जना र १४७७ जनाको एन्टिजेन परीक्षण गर्दा ३३ जनामा संक्रमण देखिएको हो ।

यो अवधिमा ६० जना संक्रमणमुक्त भएका छन्। यो सहित संक्रमण मुक्त हुनेको संख्या ९ लाख ९० हजार ४६२ पुगेको छ ।

हाल देशभर ३७८ जना कोरोनाका सक्रिय संक्रमित रहेका छन्।