आजबाट बैंक तथा वित्तीय संस्थाका सीमित कार्यालयमात्र खुल्ने

काठमाडौं । बैंक तथा वित्तीय संस्थाका कार्यालय आज (बिहीबार) देखि फेरि बन्द हुने भएका छन् । मन्त्रिपरिषदको निर्णयपछि खुल्न थालेका बैंकहरु सीमित कार्यालयमात्र खुल्ने भएका हुन् ।

नेपाल राष्ट्र बैंकले बैंकलाई सीमित शाखा कार्यालयमात्रै खोल्न निर्देशन दिएसँगै खुलेका कार्यालयहरु बिहीबारदेखि फेरि बन्द हुने भएका हुन् ।

सिमित शाखाहरु खोल्नका लागि राष्ट्र बैंकले बुधबार बैंकहरुलाई केही पास वितरण गरेको छ ।

पास लिएर मात्रै बैंकका कर्मचारीहरु आवातजावत गर्न पाउने छन् ।

बैंकका कारण पनि सडकमा भीडभाड बढेको गुनासो आएपछि राष्ट्र बैंकले सबै शाखा कार्यालयहरु नखोल्न बैंकहरुलाई निर्देशन दिएको छ ।