निर्धन उत्थान लघुवित्तको खुद नाफा १ अर्ब माथि, लाभांश क्षमता कति ?

काठमाडौं । निर्धन लघुवित्त वित्तीय संस्थाको खुद नाफामा गिरावट आएको छ । लघुवित्तले मंगलबार सार्वजनिक गरेको गत आर्थिक वर्ष २०७८/७९ को चौथो त्रैमासिक वित्तीय विवरण अनुसार खुद नाफा १३.५० प्रतिशतले घटेको छ ।

गत आवको असार मसान्तसम्म लघुवित्तले १ अर्ब २ करोड ८२ लाख रुपैयाँ खुद नाफा कमाएको छ । यो अघिल्लो आर्थिक वर्षको सोही अवधिको तुलनामा १६ करोड रुपैयाँ कम हो । अघिल्लो आवमा लघुवित्तले १ अर्ब १८ करोड ८८ लाख रुपैयाँ खुद नाफा आर्जन गरेको थियो।

लघुवित्तको खुद ब्याज आम्दानी र संचालन मुनाफा घट्दा खुद नाफामा गिरावट आएको हो ।