शेयर बजारमा उच्च अंकको गिरावट,धेरै गुमाउने फाइनान्स समूहका लगानीकर्ता

काठमाडौं । शेयर बजारमा उच्च अंकको गिरावट आएको छ ।

कारोबार शुरु भएदेखि नै उतारचढाव लागेको शेयर बजार मापक सूचक (नेप्से) ३४.८५ अंकले घटेर २११३.३० विन्दुमा झरेको हो ।

नेपाल स्टक एक्सचेन्जका अनुसार (शुक्रवार २ घण्टाको कारोबारमा) २१५ कम्पनीको २ अर्ब ६२ करोड ६१ लाख ५४ हजार ९४७ रुपैयाँ बराबरको ६४ लाख १६ हजार ६२९ कित्ता शेयर किनबेच भएका छन् ।

आज कारोबारमा आएका १३ वटा उपसमूहमध्ये म्युचुअल फण्ड बाहेक बाँकी सबै समूहको परिसूचक राताम्मे भएको छ । फाइनान्स समूह सबैभन्दा धेरै ३.४० प्रतिशतले घटेको छ ।

सबैभन्दा धेरै गुमाउने फाइनान्स समूह ३४० प्रतिशतले घटेको छ ।

नेप्सेका अनुसार आज मैलुङखोला जलविद्युत्त कम्पनीको शेयरमूल्यमा सबैभन्दा बढी गिरावट भएको छ । यस कम्पनीको शेयरमूल्य ७ प्रतिशत भन्दा बढीले घटेको हो ।

त्यसैगरी, गुह्येश्वरी मर्चेन्ट ६.४२, युनाइटेड इदीमर्दी ६.३७, सामलिङ पावर ५.६९, इमर्जिङ नेपाल ५.४४, तेह्रथुम पावर, मञ्जुश्री फाइनान्स, नेपाल फाइनान्स, गुराँस लघुवित्त र कर्पोरेट डेभलपमेन्ट बैंकको शेयरमूल्य मूल्य ५ प्रतिशतभन्दा धेरै घटेको छ ।

त्यस्तै, कारोबारको आधारमा आज सबैभन्दा बढी शिवम् सिमेन्ट कम्पनीको भएको छ । यसको आज १५ करोड ६६ लाख भन्दा बढीको कारोबार भएको छ ।

नविल बैकको १४ करोड १४ लाख, हिमालय डिस्टिलरीको ९ करोड ६४ लाखको कारोबार भएको छ ।