मन्त्री आले र सलमान खानबीच संवाद

काठमाडौं । संस्कृति पर्यटन तथा नागरिक उड्डयनमन्त्री प्रेम आलेले बलिउड अभिनेता सलमान खानसँग भर्चुअल संवाद गरेका छन् । भर्चुअल संवादमा मन्त्री आलेले सलमानसँग नेपालको पर्यटन प्रवद्र्धनबारे छलफल गरेका हुन् ।

उनीहरु दुईबीच १० मिनेट हिन्दी भाषामा संवाद भएको हो । सलमानले मन्त्री आलेसँग कुरा गर्न पाउँदा खुशी भएको र आफूलाई छिट्टै नेपाल आउने बताए ।

आलेले सलमान खानलाई आफू ठूलो प्रसंशक भएको भन्दै उनलाई सगरमाथा आरोहणका लागि निमन्त्रणा पनि दिए ।

आले र बलिउड अभिनेता खानले आगामी जेठ १४ मा नेपालको पर्यटन प्रवर्द्धनबारे छलफल गर्ने छ । छलफलको आयोजना ओडिसी इन्टरटेनमेन्टले गरेको हो । दशरथ रंगशालामा आयोजना हुने सलमानको दबङ रिलोडेड टुर र पर्यटन प्रवर्द्धनबारे आले र खानबीच छलफल हुन लागेको हो ।