संविधानसभा सदस्य डा. दुमनसिंह थापाको निधन

बुटवल । संविधानसभा सदस्य एवं नेकपा एकीकृत समाजवादीका नेता डा. दुमनसिंह थापाको निधन भएको छ। मिर्गौला समस्याबाट ग्रसित थापाको आइतबार साँझ निधन भएको हो।

उनले केही समयअघि मिर्गौला प्रत्यारोपण गरेका थिए। थापाको ह्याम्स अस्पताल काठमाडौंमा निधन भएको पारिवारिक स्रोतले जनाएको छ।

अर्घाखाँची घर भएका डा. थापा एमालेका तर्फबाट संविधान सभा सदस्य निर्वाचित भएका थिए। एमाले विभाजनपछि उनी नेकपा एकीकृत समाजवादीको केन्द्रीय निर्वाचन आयोगका सदस्य थिए।