२४ घण्टामा २१३ कोरोना संक्रमित थपिए, ३ को मृत्यु

काठमाडौं । पछिल्लो २४ घण्टामा नेपालमा २१३ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयले अद्यावधिक गरेको तथ्यांकअनुसार ४ हजार ९०७ जनाको पीसीआर परीक्षणमा १९७ र १ हजार ७२५ जनाको एन्टिजेन परीक्षणमा १६ जनामा कोरोना संक्रमण भएको पाइएको हो। 

पछिल्लो २४ घण्टामा थप ३ जना कोरोना संक्रमितको मृत्यु भएको छ भने ३२५ जना कोरोना संक्रमणमुक्त भएको मन्त्रालयले जानकारी दिएको छ।

नेपालमा संक्रमणमुक्त हुने दर ९७ दशमलव ७ प्रतिशत रहेको मन्त्रालयले जानकारी दिएको छ।