लगानी गर्ने होइन ? मध्य भोटेकोशी जलविद्युतको आईपीओ असोज २० गतेबाट बजारमा आउँदै

काठमाडौं । मध्य भोटेकोशी जलविद्युत कम्पनी लिमिटेडले सर्वसाधारणका लागि असोज २० गतेदेखि ९० लाख  कित्ता साधारण सेयर (आईपीओ) निष्काशन गर्ने भएको छ । 

कम्पनीले प्रतिकित्ता १०० रुपैयाँ दरले ९० लाख रुपैयाँ बराबरको ९० लाख कित्ता साधारण सेयर निष्काशन गर्न लागेको हो।

यस आईपिओमा सर्बसाधारणले असोज २० गतेदेखि असोज २५ गतेसम्म आवेदन दिन सक्ने छन् । 

केयर रेटिङ नेपालले कम्पनीको आईपिओलाई केयर एनपी डबल बी इस्युअर रेटिङ प्रदान गरेको छ। यसले कम्पनीको दायित्व बहन गर्ने क्षमतामा औसत जोखिम रहेको संकेत गर्दछ।

कम्पनीले गत वैशाख ५ गते नेपाल धितोपत्र बोर्डबाट कुल १ करोड ५० लाख कित्ता आईपीओ निष्कासनको अनुमति पाएको थियो। जसमध्ये पहिलो चरणमा आयोजना प्रभावित क्षेत्रका बासिन्दाको निष्कासन गरेको हो ।