नेपाल बैंकको क्रेडिट कार्ड सेवा सञ्चालन, अधिकतम सीमा ५ लाख

काठमाडौं । नेपाल बैंकले क्रेडिट कार्ड सेवा सञ्चालनमा ल्याएको छ ।

भर्चुअल विधिबाट गरिएको कार्यक्रममा बैंक सञ्चालक समितिका अध्यक्ष मधु कुमार मरासिनीले बैंकका ग्राहक निर्मल प्रधानलाई क्रेडिट कार्ड हस्तान्तरण गर्दै शुभारम्भ गरेका हुन् ।

यस सुविधा अन्तर्गत क्रेडिट कार्ड सेवाको न्यूनतम सीमा २० हजारदेखि अधिकतम सीमा ५ लाख कायम गरिएको बैंकले जनाएको छ ।

क्रेडिट कार्ड सेवाको न्यूनतम सीमा २० हजारदेखि अधिकतम सीमा ५ लाख रुपैयाँसम्म कायम गरिएको छ।

भिसा इन्टरनेसनलसँगको आवद्धतामा सञ्चालनमा ल्याइएको क्रेडिट कार्ड सेवाको प्रयोग पोस, एटिएम टर्मिनल तथा अनलाइन प्रणालीमार्फत विभिन्न वस्तु तथा सेवा भुक्तानीमा प्रयोग गर्न सकिनेछ।

स्वीकृत कर्जा लिमिटको १० प्रतिशतसम्म यस बैंक तथा भिजामा आवद्ध बैंकहरुको एटिएमबाट नगद भुक्तानी समेत लिन सकिनेछ। यो कार्डको प्रयोग नेपाल लगायत भारत र भुटान समेतमा प्रयोग गर्न सकिने बैंकले जनाएको छ।