काठमाडौं महानगरले मंगलबारदेखि ६० देखि ६४ बर्ष उमेर समूहकालाई वडा स्तरमा भेरोसेल खोप दिने

काठमाडौँ । काठमाडौं महानगरले आगामी मंगलबारदेखि गतेदेखि ६० बर्षदेखि ६४ बर्षका समूहकालाई वडास्तरमा कोरोना विरुद्धको खोप दिने भएको छ ।

महानगरपालिकाले तयार पारेको कार्यतालिका अनुसार जेठ २५ गते ६४ वर्ष उमेर समूहकालाई मात्रै खोप दिइनेछ ।

जसअन्तर्गत् २६ गते ६३ वर्षका, २७ गते ६२ वर्षका, २८ गते ६१ वर्षका र अन्तिम दिन अर्थात २९ गते ६० वर्ष उमेरका व्यक्तिलाई खोप लगाउने तयारी गरिएको सूचनामा जनाईको छ ।

यो उमेर समूहका व्यक्तिका लागि भेरोसेल (चाइनीज खोप) को पहिलो मात्रा दिन लागिएको हो ।

बिहान १० बजेदेखि अपरान्ह ४ बजेसम्म नजिकको वडा कार्यालयमा गएर खोप लगाउन सकिन्छ। खोप लगाउनका लागि उमेर खुल्ने परिचय पत्र साथै लैजानुपर्नेछ।