नुवाकोटमा कोरोना संक्रमित युवाको मृत्यु

त्रिशूली । कोरोना संक्रमित एक युवाको उपचारका क्रममा त्रिशूली अस्पताल नुवाकोटमा आज बिहान मृत्यु भएको छ । 

स्वास्थ्यमा समस्या देखिएसँगै शनिबार बिहान ४ बजे भर्ना भएका किस्पाङ गाउँपालिका-५ अर्चलेका ३३ वर्षका युवाको निधन भएको हो । 

अस्पतालको आइसोलेशन कक्षमा उपचाररत उनको अवस्था गम्भीर हुँदै गए पनि अस्पतालमा रहेको आइसीयू शय्या खाली नहुँदा बचाउन नसकिएको अस्पतालका प्रमुख डा.दीपेन्द्र पाण्डेले जानकारी दिए ।