वेत्रावती पुलबाट १ किलो सुनसहित २ जना पक्राउ

काठमाडौं ।   केन्द्रीय अनुसन्धान ब्युरो (सीआईबी) काठमाडौंबाट खटिएको टोलीले रसुवाको स्याफ्रुबेंसीबाट तस्करीको १ किलो सुन बरामद गरेको छ ।

शनिबार साँझ  सुन मोटरसाइकलमा लुकाएर ल्याउँदै गरेको अवस्थामा  वेत्रावती पुलबाट रसुवा गत्लाङका दावा साङ्बो तामाङ र आमा छोदिङ्मोका विशाल तामाङलाई पक्राउ गरेको हो ।

१ किलो सुनलाई चार टुक्रा बनाएर ल्याएको अवस्थामा उनीहरु पक्राउ परेका  प्रहरीले जनाएको छ ।  यसअघि गत महिना रसुवाबाट २ किलो बरामद भएको थियो । केही दिनअघि दोलखाबाट पनि ७ किलो सुन बरामद भएको थियो ।