काेराेनाबाट १९६ को मृत्यु, ८२०३ जनामा नयाँ संक्रमण

काठमाडौं । नेपालमा पछिल्लो २४ घण्टामा थप ८२०३ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न प्रयोगशालामा गरिएको २० हजार २८६ जनाको पिसिआर र ६९३ जनाको एन्टीजेन परीक्षणमा ८२०३जनालाई संक्रमण पुष्टि भएको हो ।

यो सहित नेपालमा कोरोना संक्रमितको संख्या ४ लाख ७२ हजार ३५४ जना पुगेको छ ।

पछिल्लो २४ घण्टामा ६८९१ जना कोरोना संक्रमणमुक्त भएका छन् ।

यो सहित संक्रमण मुक्त हुनेको संख्या ३ लाख ५२ हजार ४१४ जना पुगेको छ । १९६ जना संक्रमितको मृत्यु भएको छ ।

योसँगै मृत्यु हुनेको संख्या ५४११ पुगेको छ। संक्रिय संक्रमितको संख्या १ लाख १४ हजार ५२९ रहेको छ ।